கஞ்சா விற்ற வாலிபர் கைது

சோளிங்கரை அடுத்த கீழாண்டமோட்டூர் குளக்கரை பகுதியில் கஞ்சா விற்பனை செய்வதாக சோளிங்கர் போலீசாருக்கு தகவல் கிடைத்தது. அதன் பேரில் இன்ஸ்பெக்டர் முருகானந்தம், சப்-இன்ஸ்பெக்டர் சுரேஷ்குமார் மற்றும் போலீசார் அப்பகுதியில் ரோந்து பணியில் ஈடுபட்டனர். அப்போது குளக்கரை பகுதியில் உள்ள முட்புதர் மறைவில் சந்தேகப்படும்படியாக நின்று கொண்டிருந்த வாலிபரை பிடித்து விசாரித்தனர்.

அப்போது அவர் கீழாண்டமோட்டூர் பகுதியை சேர்ந்த ஆனந்த்பாபு (வயது 19) என்பதும், கஞ்சா விற்பனை செய்வதும் தெரியவந்தது. அதைத் தொடர்ந்து அவரை கைது செய்து, அவரிடம் இருந்து 250 கிராம் கஞ்சாவை பறிமுதல் செய்தனர்.