கஞ்சா விற்ற வாலிபர் கைது

மயிலாடுதுறை மாப்படுகை சாலை கிட்டப்பா பாலம் அருகில் கஞ்சா விற்பனை நடப்பதாக போலீசாருக்கு தகவல் வந்துள்ளது. தகவலையடுத்து மயிலாடுதுறை போலீஸ் சப்-இன்ஸ்பெக்டர் சுபஸ்ரீ மற்றும் போலீசார் சம்பவ இடத்திற்கு விரைந்து சென்றனர். அப்போது அங்கு கஞ்சா விற்பனையில் ஈடுபட்ட ஒருவரை போலீசார் சுற்றி வளைத்து பிடித்தனர். பின்னர் அவரிடம், ½ கிலோ அளவில் இருந்த கஞ்சாவை போலீசார் பறிமுதல் செய்தனர். விசாரணையில், பிடிபட்டவர் மயிலாடுதுறை கூறைநாடு எம்.ஜி.ஆர் காலனியை சேர்ந்த நைனார் மகன் சதாம் உசேன் (வயது 28) என்பது தெரியவந்தது. இதுதொடர்பாக போலீசார் வழக்குப்பதிவு செய்து அவரை கைது செய்தனர்.