கஞ்சா விற்ற வாலிபர் கைது

கரூர் வெங்கமேடு போலீஸ் நிலையத்திற்குட்பட்ட பகுதியில் கஞ்சா வைத்து விற்பனை செய்து வருவதாக போலீசாருக்கு ரகசிய தகவல் வந்தது. அதன்பேரில், போலீஸ் சப்-இன்ஸ்பெக்டர் ராமையா தலைமையிலான போலீசார் அப்பகுதியில் உள்ள பல்வேறு இடங்களில் சோதனை செய்தனர். அப்போது கரூர் அருகம்பாளையம் அருகே உள்ள காட்டுப்பகுதியில் கஞ்சா வைத்து விற்பனை செய்து கொண்டிருந்த வெங்கமேட்டை சேர்ந்த கவுதம் (வயது 23) என்பவரை போலீசார் சுற்றி வளைத்து கைது செய்தனர். மேலும் அவர் விற்பனைக்காக வைத்திருந்த 400 கிராம் கஞ்சாவும் பறிமுதல் செய்யப்பட்டன.