வயர் திருடிய வாலிபர் கைது

தேனி அருகே உள்ள பள்ளப்பட்டி மரியாயிபட்டியைச் சேர்ந்தவர் லட்சுமணன் (வயது 38). இவர் தனது தோட்டத்தில் புதிதாக வீடு கட்டி வருகிறார். வீடு கட்டுமான பொருட்களை கட்டிடத்துக்கு வெளியே வைத்திருந்தார். நேற்று முன்தினம் அங்கு வைக்கப்பட்டிருந்த ரூ.5 ஆயிரம் மதிப்புள்ள 50 மீட்டர் வயரை ஒருவர் திருடி கொண்டிருந்தார். லட்சுமணன் அக்கம் பக்கத்தினர் உதவியுடன் அந்த நபரை பிடித்து பழனிசெட்டிபட்டி போலீஸ் நிலையத்தில் ஒப்படைத்தார். போலீசார் விசாரணையில் அவர் எருமலைநாயக்கன்பட்டியை சேர்ந்த மாடசாமி (30) என்பது தெரியவந்தது. இதையடுத்து மாடசாமி மீது போலீசார் வழக்குப்பதிந்து அவரை கைது செய்தனர்.