பஸ் மோதி வாலிபர் சாவு

சேலத்தில் இருந்து கோவையை நோக்கி அரசு பஸ் ஒன்று சென்று கொண்டிருந்தது. நேற்று முன்தினம் இரவு 8 மணி அளவில் பெருந்துறையை அடுத்துள்ள விஜயமங்கலம் சுங்கச்சாவடி நுழைவு வாயில் அருகே பஸ் வந்தபோது, திடீரென வாலிபர் ஒருவர் ரோட்டை கடந்துள்ளார். அப்போது எதிர்பாராத விதமாக அவர் மீது பஸ் மோதியது. இந்த விபத்தில் படுகாயம் அடைந்த வாலிபர் சம்பவ இடத்திலேயே இறந்தார்.

விபத்தில் இறந்தவருக்கு சுமார் 38 வயது இருக்கும். அவர் சிலநாட்களாக அந்த பகுதியில் மனநலம் பாதிக்கப்பட்டு சுற்றித்திரிந்துள்ளார். அவர் யார்? எந்த ஊரைச் சேர்ந்தவர்? என்று எந்த விவரமும் தெரியவில்லை. இதுகுறித்து பெருந்துறை போலீசார் வழக்குப்பதிவு செய்து விசாரணை நடத்தி வருகிறார்கள்.