மோட்டார் சைக்கிளில் இருந்து தவறி விழுந்த வாலிபர் பலி

திண்டிவனம்,

திண்டிவனம் அருகே ஏப்பாக்கம் கிராமத்தை சேர்ந்தவர் கன்னியப்பன் மகன் பிரகாஷ் (வயது 26). தனியார் கம்பெனி ஊழியர். இவர் தனது ஊருக்கு மோட்டார் சைக்கிளில் சென்று கொண்டிருந்தார். அப்போது எதிர்பாராதவிதமாக மோட்டார் சைக்கிளில் இருந்து தவறி கீழே விழுந்தார். இதில் பலத்த காயமடைந்த அவர் சிகிச்சைக்காக திண்டிவனம் அரசு மருத்துவமனையில் அனுமதிக்கப்பட்டார். அங்கு சிகிச்சை பலனின்றி அவர் பரிதாபமாக இறந்தார். இது குறித்த புகாரின் பேரில் ஒலக்கூர் போலீசார் விசாரணை செய்து வருகிறார்கள்.