விபத்தில் வாலிபர் சாவு

ஆர்.எஸ்.மங்கலம்

ஆர்.எஸ்.மங்கலம் தாலுகா இந்திராநகர் கிராமத்தை சேர்ந்தவர் ராஜேஷ்கண்ணன் (வயது 37). இவர் இளையான்குடியில் இருந்து மோட்டார் சைக்கிளில் வ.பரமக்குடி அருகே வந்து கொண்டிருந்தார். அப்போது பாலு(70) என்பவர் மற்றொரு மோட்டார் சைக்கிளில் வந்தார். இந்த இரண்டு மோட்டார் சைக்கிள்களும் மோதியதில் ராஜேஷ்கண்ணன் பலத்த காயம் அடைந்து சம்பவ இடத்திலேயே பரிதாபமாக இறந்தார். மேலும் விபத்தில் பலத்த காயம் அடைந்த பாலு ராமநாதபுரம் அரசு மருத்துவமனையில் சிகிச்சைக்கு சேர்க்கப்பட்டுள்ளார். இதுகுறித்த புகாரின்பேரில் ஆர்.எஸ்.மங்கலம் போலீசார் வழக்கு பதிவு செய்து விசாரணை நடத்தி வருகின்றனர்.