கடையநல்லூர்:

கடையநல்லூர் அருகே அச்சன்புதூரைச் சேர்ந்தவர் செய்யது முகமது. இவருக்கு சொந்தமாக அச்சன்புதூர் செவகாட்டு பகுதியில் தும்பு தொழிற்சாலை உள்ளது. நேற்று இரவு அங்கு திடீரென தும்பில் தீப்பிடித்து எரிந்தது. இதுகுறித்து தகவல் அறிந்ததும் கடையநல்லூர், செங்கோட்டை, சுரண்டை ஆகிய பகுதிகளில் இருந்து தீயணைப்பு வாகனங்களில் 30-க்கும் மேற்பட்ட வீரர்கள் வந்து தீயை அணைக்கும் பணியில் ஈடுபட்டனர். இந்த தீவிபத்தில் பல லட்சம் ரூபாய் மதிப்பிலான தும்பு எரிந்து நாசம் ஆனதாக கூறப்படுகிறது.