தீக்காயம் அடைந்தவர் சாவு

ஸ்ரீவில்லிபுத்தூர்

ஸ்ரீவில்லிபுத்தூர் அருகே உள்ள சுந்தரபாண்டியம் செம்பட்டியை சேர்ந்தவர் பெரியசாமி (55). இவரது மனைவி பழனியம்மாள் (48). இந்தநிலையில் பெரியசாமி வீட்டில் இருந்த கியாஸ் அடுப்பை பற்ற வைத்த போது சிலிண்டரில் ஏற்பட்ட கசிவு காரணமாக தீ விபத்து ஏற்பட்டது. இதில் அவர்கள் இருவரும் படுகாயம் அடைந்தனர். இவர்கள் மதுரை அரசு ஆஸ்பத்திரியில் சிகிச்சை பெற்று வருகின்றனர். இந்தநிலையில் சிகிச்சை பலனின்றி பெரியசாமி உயிரிழந்தார். இதுகுறித்து பெரியசாமி மகன் தங்கேஸ்வரன் அளித்த புகாரின்பேரில கிருஷ்ணன் கோவில் போலீசார் வழக்குப்பதிவு செய்து விசாரணை நடத்தி வருகின்றனர்.