ரிக் வண்டி டிரைவர் பலி

கந்தம்பாளையம்

நாமக்கல் மாவட்டம் கந்தம்பாளையம் அருகே உள்ள மூர்த்திபட்டி வடக்கு தெருவை சேர்ந்த வேலுசாமி மகன் சரவணன் (வயது22). இவர் ரிக்வண்டியில் டிரைவராக வேலை செய்து வருகிறார். சம்பவத்தன்று திருச்செங்கோட்டிற்கு அவரது மோட்டார் சைக்கிளில் சென்று கொண்டிருந்தார். இந்தநிலையில் மேல் சாத்தம்பூர் என்ற இடத்தில் சரவணின் முன்னால் சென்று கொண்டிருந்த லாரி டிரைவர் திடீரென பிரேக் போட்டதாக கூறப்படுகிறது. அப்போது சரவணன் ஓட்டிவந்த மோட்டார் சைக்கிள் லாரியின் பின்னால் மோதியது. இதில் நிலை தடுமாறி கீழே விழுந்ததில் சரவணன் தலையில் பலத்த காயம் அடைந்தார். அதைகண்டு அதிர்ச்சியடைந்த அங்கிருந்தவர்கள் அவரை மீட்டு திருச்செங்கோடு அரசு மருத்துவமனையில் சிகிச்சைக்காக சேர்த்தனர். அங்கு சிகிச்சை பலனின்றி சரவணன் பரிதாபமாக உயிரிழந்தார். இது குறித்து நல்லூர் போலீசார் வழக்குப்பதிவு செய்து விசாரணை நடத்தி வருகின்றனர்.