அரசு பஸ் டயர்வெடித்து கார் மீது மோதியது

காட்பாடி தாலுகா சேனூர் ஜி.என்.நகரை சேர்ந்த சதீஷ் (வயது 32), ராகுல் (29), வித்யா (26) ஆகியோர் வாலாஜாபேட்டையை அடுத்த வேலம் கிராமத்துக்கு காரில் வாலாஜா- சோளிங்கர் ரோடு பத்திரப்பதிவு அலுவலகம் அருகே சென்று கொண்டிருந்தனர் அப்போது வாலாஜா நோக்கி வந்த அரசு பஸ்சின் டயர் வெடித்து எதிரே வந்த கார் மீது மோதியது. இதில் காரில் வந்த சதீஷ், ராகுல், வித்யா ஆகியோர் காயமடைந்தனர். பஸ்சில் பயணம் செய்த குமரவேல், தயாளன் ஆகியோரும் காயம் அடைந்தனர்.

காயமடைந்தவர்கள் ஆம்புலன்ஸ்களில் சிகிச்சைகாக வாலாஜா அரசு தலைமை மருத்துவமனைக்கு அனுப்பி வைக்கப்பட்டனர். இது குறித்து வாலாஜா போலீசார் வழக்குப் பதிவு செய்து விசாரணை நடத்தி வருகின்றனர்.