தாயை கோடரியால் வெட்டியவர் கைது

சாயல்குடி,

சாயல்குடி அருகே எஸ்.இலந்தைகுளம் கிராமத்தைச் சேர்ந்தவர் செந்தூர்பாண்டி மகன் ஜெயசங்கர் (வயது 37). மனநலம் பாதிக்கப்பட்டவர்.. இவரது தாயார் கலா (60). இந்த நிலையில் சம்பவத்தன்று கலா வீட்டின் அருகே கோடரியால் விறகு கட்டையை வெட்டி கொண்டிருந்தார். அங்கு வந்த ஜெய்சங்கர் தனது தாயிடம் விறகு கட்டை தான் வெட்டி தருவதாக கூறி கோடரியை வாங்கினார். பின்னர் அவர் திடீரென்று கோடரியால் தாய் கழுத்தை வெட்டினார். இதில் படுகாயம் அடைந்த அவரை அக்கம், பக்கத்தினர் மீட்டு சிகிச்சைக்காக ராமநாதபுரம் அரசு ஆஸ்பத்திரியில் அனுமதித்தனர்.

இது குறித்து தகவல் அறிந்த சாயல்குடி இன்ஸ்பெக்டர் ஜெயசித்ரா வழக்குப்பதிவு செய்து ஜெயசங்கரை கைது செய்து மதுரை மத்திய சிறையில் அடைத்தனர்.