வடக்கன்குளம்:

பழவூர் போலீஸ் சப்-இன்ஸ்பெக்டர் அனீஸ் தலைமையில் போலீசார் ரோந்து பணியில் ஈடுபட்டனர். அப்போது சங்கனாபுரம் குளத்தில் மண் அள்ளுவதாக வந்த தகவலின் பெயரில் போலீசார் அங்கு சென்றனர். அப்போது அங்கு 2 லாரிகளில் மண் அள்ளிக்கொண்டிருந்தனர். போலீசாரைக் கண்டதும் ஒருவர் லாரியை ஓட்டிக்கொண்டு தப்பிவிட்டார். மற்றொரு டிரைவர் சிதம்பராபுரத்தை சேர்ந்த துரை மகன் சுடலைமணி (29) என்பவரை போலீசார் மடக்கிபிடித்து கைது செய்தனர். மேலும் லாரியையும் பறிமுதல் செய்தனர்.