திசையன்விளை:

திசையன்விளை அருகே உறுமன்குளத்தில் வாள்வாண்டி ஈஸ்வரி அம்மன் கோவில் உள்ளது. இந்த கோவில் முன்பக்க பூட்டை உடைத்து உள்ளே புகுந்த மர்ம நபர், அம்மன் கழுத்தில் அணிந்திருந்த 11½ கிராம் எடை உள்ள 3 பொட்டுதாலி, பீரோவில் இருந்த 10 ஜோடி வெள்ளி கண்மலர்களை திருடி சென்றுவிட்டனர்.

இதுகுறித்து கோவில் நிர்வாகி கந்தசாமி திசையன்விளை போலீசில் புகார் செய்தார். சப்-இன்ஸ்பெக்டர் உதய லெட்சுமி வழக்குபதிவு செய்து, மூன்றடைப்பு முதலைகுளம் முத்துகிருஷ்ணன் (வயது 45) என்பவரை கைது செய்தார். அவரிடம் இருந்து திருட்டு போன நகைகளையும் போலீசார் மீட்டனர்.