வாலிபரை பேனா கத்தியால் கிழித்தவர் கைது

திண்டிவனம்

திண்டிவனம் அருகே உள்ள தாதாபுரம் கிராம பகுதியை சேர்ந்தவர் வெங்கடேசன்(வயது 23). இவருக்கும், அதே பகுதியை சேர்ந்த கண்ணன்(23) என்பவருக்கும் இடையே முன் விரோதம் இருந்து வந்தது.

இந்த நிலையில் சம்பவத்தன்று அவர்கள் இருவருக்கும் இடையே வாய்தகராறு ஏற்பட்டது. இதில் ஆத்திரம் அடைந்த கண்ணன், சரவணன் என்பவருடன் சேர்ந்து பேனா கத்தியால் வெங்கடேசனின் இடது பக்க கழுத்து பகுதியில் கிழித்தனர். இதில் படுகாயம் அடைந்த அவர் சிகிச்சைக்காக ஆஸ்பத்திரியில் அனுமதிக்கப்பட்டார். இது குறித்த புகாரின் பேரில் கண்ணன், சரவணன் ஆகியோர் மீது வெள்ளிமேடு பேட்டை போலீசார் வழக்குப்பதிவு செய்து கண்ணனை கைது செய்தனர்.