வீடு புகுந்து திருட முயன்றவர் கைது

சிவகாசி,

சிவகாசி அருகே உள்ள பி.திருவேங்கிடபுரத்தை சேர்ந்தவர் கணேசன் மகன் ஊர்காவலன் (வயது 28). இவர் தனது மனைவி கலைச்செல்வியுடன் சம்பவத்தன்று இரவு தூங்கி கொண்டிருந்தார். அப்போது வீட்டில் இருந்த பீரோவை ஒருவர் திறக்க முயன்ற போது கணவன், மனைவி இருவரும் விழித்துக்கொண்டனர். உடனே அவர்கள் சத்தம் போட்டனர். அப்போது அந்த வாலிபர் தப்பி ஓடிவிட்டார். இதுகுறித்து ஊர்காவலன் மாரனேரி போலீசில் புகார் கொடுத்தார். அந்த புகாரின் பேரில் போலீசார் வழக்குப்பதிவு செய்து திருடும் நோக்கத்துடன் ஊர்காவலன் வீட்டிற்குள் புகுந்ததாக சுரேஷ்குமார் (23) என்பவரை கைது செய்தனர்.