மின்சாரம் தாக்கி முதியவர் சாவு

நாமக்கல் அருகே உள்ள காமநாயக்கனூரை சேர்ந்தவர் பழனி (வயது 60). கடந்த சில நாட்களுக்கு முன்பு வசந்தபுரம் அருகே பொக்லைன் எந்திரம் மோதி மின்சார வயர் அறுந்து கீழே விழுந்தது. அதை சரி செய்ய பழனி அருகில் இருந்த டிரான்ஸ்பார்மர் மீது ஏறி உள்ளார்.

அப்போது திடீரென மின்சாரம் தாக்கி தூக்கிவீசப்பட்ட பழனி பலத்த தீக்காயம் அடைந்தார். அவரை அக்கம்பக்கத்தில் உள்ளவர்கள் மீட்டு நாமக்கல் அரசு மருத்துவக் கல்லூரி மருத்துவமனையில் சேர்த்தனர். இங்கு சிகிச்சை பலன் இன்றி பழனி நேற்று காலையில் பரிதாபமாக உயிரிழந்தார். இந்த சம்பவம் குறித்து அவரது உறவினர் செல்வராஜ் (46) நாமக்கல் போலீஸ் நிலையத்தில் புகார் அளித்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.