விபத்தில் முதியவர் பலி

எலச்சிபாளையம்

வெண்ணந்தூர் அடுத்த ஓ.சவுதாபுரம் பகுதியைச் சேர்ந்தவர் தர்மராஜன் (வயது 65). தமிழ்நாடு மின்சார வாரியத்தில் ஊழியராக இருந்து, ஓய்வு பெற்றுள்ளார். இவர் சொந்த வேலைக்காக நேற்று ஓ.சவுதாபுரத்தில் இருந்து திருச்செங்கோடு நோக்கி தனது ஸ்கூட்டரியில் சென்றார். அப்போது எலச்சிபாளையம் தமிழ்நாடு மின்சார வாரிய அலுவலகம் அருகே சென்றபோது எதிர்பாராத விதமாக மின்சார வாரிய வாகனத்தின் மீது ஸ்கூட்டர் மோதியது. இதில் படுகாயம் அடைந்த அவரை அந்த வழியாக சென்றவர்கள் சிகிச்சைக்காக திருச்செங்கோடு அரசு மருத்துவமனைக்கு அனுப்பி வைத்தனர். ஆனால் தர்மராஜன் செல்லும் வழியிலேயே இறந்தார். இதுகுறித்து எலச்சிபாளையம் போலீசார் விசாரணை நடத்தி வருகின்றனர். தர்மராஜனுக்கு, பொன்னம்மாள் (58) என்ற மனைவி, 2 மகள்கள் உள்ளனர்.