மயங்கி விழுந்து முதியவர் சாவு

வேப்பந்தட்டை:

பெரம்பலூர் மாவட்டம், வேப்பந்தட்டையை சேர்ந்தவர் சின்னையன்(வயது 70). இவர் காலி பாட்டில்களை சேகரித்து அவற்றை விற்று பிழைப்பு நடத்தி வந்தார். இந்நிலையில் நேற்று வேப்பந்தட்டை டாஸ்மாக் கடை அருகே திடீரென சின்னையன் மயங்கி விழுந்து உயிரிழந்தார். தகவல் அறிந்து அரும்பாவூர் போலீசார் சம்பவ இடத்திற்கு விரைந்து சென்று சின்னையனின் உடலை கைப்பற்றி பிரேத பரிசோதனைக்காக பெரம்பலூர் அரசு மருத்துவமனைக்கு அனுப்பி வைத்தனர். மேலும் இந்த சம்பவம் தொடர்பாக வழக்குப்பதிவு செய்து விசாரணை நடத்தி வருகின்றனர்.