முதியவர் கிணற்றில் தவறி விழுந்து சாவு

கீரனூர்:

கீரனூர் கருப்பர் கோவில் பகுதியை சேர்ந்தவர் சீனிவாச வெங்கட்ராமன் (வயது 81). ஓய்வு பெற்ற போஸ்ட் மாஸ்டர். இவர் தனது வீட்டுக்குள் குப்பைகளை பெருக்கிக் கொண்டிருந்தார். அப்போது எதிர்பாராதவிதமாக வீட்டுக்குள் இருந்த தரைமட்ட கிணற்றுக்குள் தவறி விழுந்தார். இதையறிந்த கீரனூர் தீயணைப்பு துறை வீரர்கள் விரைந்து வந்து கிணற்றுக்குள் இறங்கி முதியவர் உடலை மீட்டு வெளிேய கொண்டு வந்தனர். இதுகுறித்து தகவல் அறிந்த கீரனூர் போலீசார் சம்பவ இடத்திற்கு விரைந்து வந்து முதியவர் உடலை கைப்பற்றி பிரேத பரிசோதனைக்காக புதுக்கோட்டை அரசு மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.