தென்னை மரத்தில் இருந்து தவறி விழுந்தவர் சாவு

பாபநாசம் வங்காரம்பேட்டையில் தென்னந்தோப்பு உள்ளது. பட்டீஸ்வரம் குளத்து தெரு கோபிநாத பெருமாள் கோவிலை சேர்ந்த முருகானந்தம்(வயது55) என்பவர் தேங்காய் பறிப்பதற்காக தென்னை மரத்தில் ஏறினார். அப்போது மரத்தில் இருந்து எதிர்பாராதவிதமாக கீழே விழுந்தார். இதில் படுகாயமடைந்த அவரை சிகிச்சைக்காக தஞ்சை மருத்துவக்கல்லூரி ஆஸ்பத்திரியில் சேர்த்தனர். அங்கு சிகிச்சை பலனின்றி முருகானந்தம் இறந்தார். இதுகுறித்து முருகானந்தம் மகன் தினேஷ்குமார்(22்) கொடுத்த புகாரின் பெயரில் பாபநாசம் போலீஸ் சப்-இன்ஸ்பெக்டர் குமார் வழக்குப்பதிவு செய்து விசாரணை நடத்தி வருகிறார்.