நடந்து சென்றபோது தடுமாறி விழுந்தவர் சாவு

திருச்சி:

திருச்சி செந்தண்ணீர்புரம் நக்கீரன் வீதியை சேர்ந்தவர் கிருஷ்ணமூர்த்தி(வயது 50). இவர் கருத்து வேறுபாடு காரணமாக கடந்த 18 ஆண்டுகளாக தனது மனைவியை பிரிந்து வசித்து வந்தார். இதனால் அவர் மதுப்பழக்கத்துக்கு அடிமையானதாக கூறப்படுகிறது. இந்நிலையில் கடந்த 5-ந்தேதி இரவு சங்கிலியாண்டபுரம் பகுதியில் அவர் நடந்து சென்றபோது தடுமாறி கீழே விழுந்தார். இதில் தலையில் அடிபட்டு படுகாயம் அடைந்த அவரை, அங்கிருந்தவர்கள் மீட்டு சிகிச்சைக்காக திருச்சி அரசு ஆஸ்பத்திரியில் சேர்த்தனர். நேற்று முன்தினம் சிகிச்சை பலனின்றி அவர் பரிதாபமாக உயிரிழந்தார். இதுகுறித்த புகாரின்பேரில் பாலக்கரை போலீஸ் சப்-இன்ஸ்பெக்டர் ராஜகோபால் தலைமையிலான போலீசார் வழக்குப்பதிவு செய்து விசாரணை நடத்தி வருகிறார்கள்.