பஸ் டிரைவரை தாக்கியவர் கைது

முக்கூடல்:

அம்பையில் இருந்து நெல்லையை நோக்கி சம்பவத்தன்று அரசு பஸ் ஒன்று வந்து கொண்டிருந்தது. டிரைவர் இசக்கிராஜ் (வயது 45) பஸ்சை ஓட்டி வந்தார். பாப்பாக்குடி மெயின் ரோட்டில் வந்தபோது அந்த வழியாக மோட்டார் சைக்கிளில் ஒருவர் சென்று கொண்டிருந்தார். அவர் மீது உரசுவது போன்று பஸ்சை ஓட்டிச் சென்றதாக கூறப்படுகிறது.

இதனால் ஆத்திரம் அடைந்த அந்த நபர், பஸ்சை வழிமறித்து டிரைவரிடம் தகராறு செய்து தாக்கியுள்ளார். மேலும் அவருக்கு ஆதரவாக மற்றொரு நபரும் வந்துள்ளார். இதுகுறித்து பஸ் டிரைவர் இசக்கிராஜ் கொடுத்த புகாரின் பேரில் பாப்பாக்குடி போலீசார் வழக்குப்பதிவு செய்து விசாரணை நடத்தி, நந்தன்தட்டையை சேர்ந்த கணபதி மகன் குமார் என்பவரை கைது செய்தனர். மேலும் ஒருவரை தேடி வருகின்றனர்.