தொழிலாளியை தாக்கியவர் கைது

நெல்லை அருகே உள்ள சீவலப்பேரி கீழத்தோணித்துறை மேலத்தெருவை சேர்ந்தவர் பாலகணேஷ் (வயது 38). தொழிலாளியான இவர் தனது மோட்டார் சைக்கிளை அதே பகுதியை சேர்ந்த முத்துகிருஷ்ணன் (40) என்பவர் வீட்டின் முன்பு நிறுத்தி இருந்தாா். இதுதொடர்பாக முத்துகிருஷ்ணனுக்கும், பாலகணேசுக்கும் தகராறு ஏற்பட்டது. இதில் ஆத்திரம் அடைந்த முத்துகிருஷ்ணன், பாலகணேஷ் வீட்டுக்குள் நுழைந்து அவரையும், அவரது சகோதரியையும் தாக்கியதாக கூறப்படுகிறது. இதுகுறித்து பாலகணேஷ் சீவலப்பேரி போலீஸ் நிலையத்தில் புகார் செய்தார். அதன்பேரில் சப்-இன்ஸ்பெக்டர் சிவக்குமார் வழக்குப்பதிவு செய்து முத்துகிருஷ்ணனை கைது செய்தார்.