மின்தடையால் பொதுமக்கள் அவதி

வேப்பந்தட்டை:

பெரம்பலூர் மாவட்டம் வேப்பந்தட்டையை அடுத்துள்ள அரும்பாவூர் பகுதியில் நேற்று மாலை சூறாவளி காற்று வீசியது. அப்போது இடி, மின்னலும் ஏற்பட்டது. இதனால் மாலை 4 மணி அளவில் அரும்பாவூர் மற்றும் சுற்றுவட்டார பகுதிகளில் மின்தடை ஏற்பட்டது. பின்னர் இரவு வரை மின்தடை சரி செய்யப்படாமல் இருந்ததால் பொதுமக்கள் மிகுந்த சிரமத்திற்கு ஆளாகினர். கோடைகாலம் என்பதால் காற்று வசதி இல்லாமலும், கொசு தொல்லையினாலும் பொதுமக்கள் பெரும் அவதிப்பட்டனர்.