கோழி பண்ணையில் திருடியவர் கைது

சிவகாசி,

சிவகாசி அருகே உள்ள பேராபட்டியை சேர்ந்தவர் வெங்கடசாமி (வயது 70). இவர் அதே பகுதியில் உள்ள காடம்மாள் கோவில் பின்புறம் உள்ள தனது தோட்டத்தில் கோழிபண்ணை நடத்தி வருகிறார். இந்த நிலையில் சம்பவத்தன்று கோழிபண்ணைக்கு வந்த மர்மநபர்கள் அங்கிருந்த தண்ணீர் இறைக்கும் மோட்டார், கடப்பாறை, அரிவாள், சுத்தியல் உள்ளிட்ட பொருட்களை திருடி சென்றுள்ளனர். மறுநாள் காலையில் வழக்கம் போல் பண்ணைக்கு வந்த வெங்கடசாமி பொருட்கள் திருட்டு போனதை கண்டு அதிர்ச்சி அடைந்தார். இதுகுறித்து அவர் சிவகாசி கிழக்கு போலீசில் புகார் கொடுத்தார். அந்த புகாரின் பேரில் போலீசார் வழக்குப்பதிவு செய்து விசாரணை நடத்தி மீனம்பட்டியை சேர்ந்த தினேஷ் (23) என்பவரை கைது செய்தனர்.