மோட்டார் சைக்கிளில் இருந்து தவறி விழுந்தவர் பலி

அரியலூர் மாவட்டம் திருமானூர் ஒன்றியத்துக்குட்பட்ட அருங்கால் கிராமத்தை சேர்ந்தவர் தம்பிதுரை. இவருடைய மனைவி சத்யா (வயது 30). இந்தநிலையில் சத்யா, தனது மகளுடன் அருகே உள்ள கோவிலுக்கு சென்றார். பின்னர் அவர்கள் 2 பேரும் தங்களது வீட்டுக்கு நடந்து சென்று கொண்டிருந்தனர். அப்போது அந்த வழியாக மேலகருப்பூர் கிராமத்தை சேர்ந்த மருதராஜா என்பவர் ஓட்டி சென்ற மோட்டார் சைக்கிள் இவர்கள் மீது மோதியது. அப்போது மோட்டார் சைக்கிளில் இருந்து கீழே தவறி விழுந்த மருதராஜா படுகாயம் அடைந்தார். இதையடுத்து அந்த வழியாக சென்ற வாகன ஓட்டிகள் மருதராஜாவை மீட்டு தஞ்சை அரசு மருத்துவக்கல்லூரியில் அனுமதித்தனர். அங்கு அவருக்கு டாக்டர்கள் தீவிர சிகிச்சை அளித்தனர். ஆனால் சிகிச்சை பலனின்றி மருதராஜா பரிதாபமாக இறந்தார். இந்த சம்பவம் குறித்து கீழப்பழுவூர் போலீசார் வழக்குப்பதிவு செய்து விசாரணை நடத்தி வருகின்றனர்.