பெண் தீக்குளித்து சாவு

நெல்லை தச்சநல்லூர் தேனீர்குளம் பகுதியை சேர்ந்தவர் அருணாசலம். இவருடைய மனைவி கோமதி (வயது 52). இவர் கடந்த சில ஆண்டுகளாக உடல் நலம் பாதிக்கப்பட்டு இருந்து வந்தார். இதனால் மனமுடைந்த அவர் நேற்று முன்தினம் வீட்டில் யாரும் இல்லாத நேரத்தில் தன் உடலில் மண்எண்ணெய் ஊற்றி தீக்குளித்தார். இதில் படுகாயம் அடைந்த அவரை பாளையங்கோட்டை ஐகிரவுண்டு அரசு ஆஸ்பத்திரியில் சேர்த்தனர். அங்கு சிகிச்சை பலனின்றி அவர் பரிதாபமாக இறந்தார். இதுகுறித்து தச்சநல்லூர் போலீஸ் சப்-இன்ஸ்பெக்டர் கிருஷ்ணன் வழக்குப்பதிவு செய்து விசாரணை நடத்தி வருகிறார்.