அண்ணனை கத்தியால் குத்திய தொழிலாளி கைது

வலங்கைமான்:

திருவாரூர் மாவட்டம் வலங்கைமானை அடுத்த மணக்கால் கிராமம் மேலத்தெரு பகுதியை சேர்ந்தவர் சின்னராஜா. இவரது மகன்கள் பாரதிராஜா (வயது 23), ராஜ்குமார் (22). விவசாய தொழிலாளிகள். அண்ணன்-தம்பிக்கிடையே குடும்பத்தகராறு இருந்து வந்துள்ளது. ௮தேபோல சம்பவத்தன்றும் அவர்களுக்கு இடையே தகராறு ஏற்பட்டது. இதில், ஆத்திரமடைந்த ராஜ்குமார், தான் மறைத்து வைத்திருந்த கத்தியால் அண்ணன் பாரதிராஜாவை கழுத்தில் குத்தினார். இதில், பலத்த காயமடைந்த பாரதிராஜாவை அக்கம்பக்கத்தினர் மீட்டு தஞ்சாவூர் அரசு மருத்துவக்கல்லூரி ஆஸ்பத்திரியில் சிகிச்சைக்காக சேர்த்தனர். இதுகுறித்த புகாரின் அடிப்படையில், வலங்கைமான் போலீசார் ராஜ்குமாரை கைது செய்து விசாரணை நடத்தி வருகின்றனர்.