வீட்டின் பூட்டை உடைத்து 10 பவுன் நகை திருட்டு

வடவள்ளி

கோவை வடவள்ளி யோகலட்சுமி நகரை சேர்ந்தவர் வெங்கடேஷ் (வயது 55). இவர் தனது உறவினர் வீட்டின் துக்க நிகழ்ச்சியில் கலந்து கொள்ள கடந்த 16-ந் தேதி பெங்களூருவுக்கு சென்றார். பின்னர்அவர் அங்கிருந்து கோவை திரும்பினார். அப்போது வீட்டின் பூட்டு உடைக்கப்பட்டு கதவு திறந்து கிடந்தது.

இதனால் அதிர்ச்சியடைந்த வெங்கடேஷ் வீட்டின் உள்ளே சென்று பார்த்தார். அப்போது பீரோ உடைக்கப்பட்டு அதில் இருந்த 10 பவுன் நகை திருட்டு போயிருந்தது. இதுகுறித்து அவர் வடவள்ளி போலீசில் புகார் அளித்தார். இதன்பேரில் போலீசார் வழக்குப்பதிவு செய்து, வீட்டின் பூட்டை உடைத்து திருட்டு சம்பவத்தில் ஈடுபட்ட மர்ம நபர்களை வலைவீசி தேடி வருகின்றனர்.