வீட்டில் பொருட்கள் திருட்டு; 6 பேர் கைது

மதுரை அண்ணாநகர் அருகே உள்ள எஸ்.ஆலங்குளம் பகுதியை சேர்ந்தவர் பால் பெஞ்சமின் (வயது 30). கட்டிட சூப்பர்வைசரான இவர், கே.கே. நகரில் புதிய வீடு கட்டுமான பணியில் ஈடுபட்டார். சம்பவத்தன்று கட்டிடத்தில் வேலை செய்த ஊழியர்கள் வெளியே சென்றிருந்தனர். அப்போது அங்கு வந்த மர்ம நபர்கள் வீட்டுக்குள் இருந்த இரும்பு வெட்டும் எந்திரம், டைல்ஸ் வெட்டும் எந்திரம் ஆகியவற்றை திருடி தப்பி சென்றனர்.

இதுகுறித்து, அண்ணாநகர் போலீசில் புகார் அளிக்கப்பட்டது. போலீசார் வழக்குப்பதிவு செய்து விசாரணை நடத்தி, பொருட்களை திருடிய வைகை வடகரை பகுதியை சேர்ந்த ஆசைதம்பி (27), ஜெய்ஹிந்த்புரத்தை சேர்ந்த மணிகண்டன் (29), விஜய் (37), காக்காதோப்பு பகுதியை சேர்ந்த கண்ணன் (40), பாலமுருகன் (8), செல்வராஜ் (58) ஆகியோரை கைது செய்து, பொருட்களை மீட்டனர்.