ஐ.டி.ஐ. வளாகத்தில் வைக்கப்பட்டிருந்த இரும்பு கம்பிகள் திருட்டு

பரமத்திவேலூர்

பரமத்தி அருகே உள்ள கீரம்பூரில் பொதுப்பணித்துறை சார்பில் ஐ.டி.ஐ. வளாகம் கட்டும் பணிகள் நடைபெற்று வருகிறது. இந்தநிலையில் நேற்று காலை வழக்கம் போல் கட்டிட பணியில் ஈடுபட்டு வரும் கட்டிட தொழிலாளர்கள் பணிக்கு வந்தனர். அப்போது அங்கு கட்டிட பணிக்காக‌ போடப்பட்டிருந்த இரும்பு கம்பிகள் மற்றும் கம்பிகளை வெட்டும் எந்திரம் ஆகியவை காணாமல் போனது தெரியவந்தது. இது குறித்து பொதுப்பணித்துறை காண்டிராக்டர் மாதேஸ்வரன் பரமத்தி போலீசில் புகார் அளித்தார். அதன்பேரில் பரமத்தி போலீசார் வழக்குப்பதிவு செய்து இரும்பு கம்பிகளை திருடி சென்ற மர்ம நபர்களை தேடி வருகின்றனர்.