சுவாமிமலை அருகே உள்ள தேவனாஞ்சேரியில் தர்மராஜா, திரவுபதியம்மன் கோவிலில் ஆண்டு தோறும் தீ மிதி திருவிழா நடைபெறுவது வழக்கம். அதன்படி இந்த ஆண்டு தீ மிதி திருவிழாவை முன்னிட்டு கடந்த மாதம் (ஜூன்) 12-ந் தேதி கொடியேற்றத்துடன் தொடங்கியது. அதைத்தொடர்ந்து கர்ணன் பிறப்பு, தருமர் பிறப்பு, கிருஷ்ணன் அவதாரம், அம்மன் பிறப்பு, வில் வளைப்பு, அம்மன் வீதி உலா, பாஞ்சாலி சபதம் உள்ளிட்ட நிகழ்ச்சிகள் நடந்து வந்தன. இதையடுத்து 20 நாட்கள் விரதம் இருந்த 100-க்கும் மேற்பட்ட பக்தர்கள் தீக்குண்டம் இறங்கி நேர்த்திக்கடன் செலுத்தினர்.