சூலூர்

சூலூர் கலங்கல் ரோட்டில் அமைந்துள்ள காட்டூர் மாகாளியம்மன் கோவிலில் சித்திரை திருவிழாவை முன்னிட்டு 108 திருவிளக்கு பூஜை நடைபெற்றது. இதில் திரளான பெண்கள் கலந்து கொண்டு வழிபாடு நடத்தினர். கோவில் வளாகத்தில் கடந்த 25-ந் தேதி முதல் மதியம், இரவு என 2 வேளைகளில் பக்தர்களுக்கு அன்னதானம் வழங்கப்பட்டு வருகிறது. நாளை(புதன்கிழமை) பால் மற்றும் தீர்த்த குடங்களுடன் பெண்கள் ஊர்வலமாக வந்து அம்மனுக்கு அபிஷேகம் செய்ய உள்ளனர். தொடர்ந்து சிறப்பு அலங்கார, அபிஷேக ஆராதனைகள் நடைபெற உள்ளது.