குமாரபாளையம் நகராட்சியில் 1,387 பள்ளி மாணவர்களுக்கு காலை சிற்றுண்டி

குமாரபாளையம்:

தமிழகத்தில் 1 முதல் 5-ம் வகுப்பு வரை படிக்கும் மாணவ-மாணவிகளுக்கு காலை சிற்றுண்டி வழங்கும் திட்டம் முதல்-அமைச்சர் மு.க.ஸ்டாலினால் தொடங்கப்பட்டு, செயல்படுத்தப்பட்டு வருகிறது. அதன்படி குமாரபாளையம் நகராட்சி பள்ளியில் 1 முதல் 5-ம் வகுப்பு வரை படிக்கும் மாணவ-மாணவிகளுக்கு காலை சிற்றுண்டி வழங்கப்பட்டு வருகிறது. இந்த திட்டம் நகராட்சிக்குட்பட்ட 7 பள்ளிகளுக்கு விரிவுபடுத்தப்பட்டுள்ளது. அதாவது 7 நகராட்சி பள்ளிகளில் படிக்கும் 1,387 மாணவ-மாணவிகளுக்கு காலை சிற்றுண்டி விரைவில் வழங்கப்பட உள்ளது. இதற்காக குமாரபாளையம் புத்தர் தெருவில் நகராட்சி பள்ளியில் ரூ.9 லட்சத்து 90 ஆயிரம் மதிப்பில் ஒருங்கிணைந்த சமையல் கூடம் கட்டப்பட உள்ளது.

இந்த தகவல் குமாரபாளையம் நகராட்சி சார்பில் வெளியிடப்பட்டுள்ள செய்திக்குறிப்பில் கூறப்பட்டுள்ளது.