மோட்டார்சைக்கிளில் இருந்து தவறி விழுந்து வியாபாரி பலி

வந்தவாசி

ஆரணியை அடுத்த சேவூர் கிராமத்தைச் சேர்ந்தவர் கிருஷ்ணன் (வயது 63), கோணிப்பை வியாபாரி. இவர் நேற்று மோட்டார்சைக்கிளில் வந்தவாசியை அடுத்த மருதாடு கிராமத்துக்கு சென்று கொண்டிருந்தார்.

வந்தவாசி- மேல்மருவத்தூர் சாலையில் மருதாடு கிராமம் அருகே செல்லும்போது மோட்டார்சைக்கிளில் இருந்து நிலை தடுமாறி தவறி சாலையில் விழுந்தார்.

இதில் படுகாயம் அடைந்த அவரை அந்த வழியாக சென்றவர்கள் மீட்டு சிகிச்சைக்காக வந்தவாசி அரசு மருத்துவமனைக்கு அனுப்பி வைத்தனர். பின்னர் மேல் சிகிச்சைக்காக சென்னை தனியார் மருத்துவமனையில் அனுமதிக்கப்பட்டார்.

அங்கு சிகிச்சை பலனின்றி இன்று காலை அவர் பரிதாபமாக இறந்தார்.

இதுகுறித்து ஆரணியை சேர்ந்த அவரது உறவினர் குமார் கீழ்கொடுங்காலூர் போலீசில் புகார் அளித்தார்.

அதன்பேரில் போலீசார் வழக்குப்பதிந்து விசாரணை நடத்தி வருகின்றனர்.