கொடைரோடு அருகே உள்ள ஊத்துப்பட்டியை சேர்ந்தவர் செல்வராஜ் (வயது 41). வெங்காய வியாபாரி. நேற்று இவர், திண்டுக்கல்லில் இருந்து மொபட்டில் ஊத்துப்பட்டி நோக்கி சென்று கொண்டிருந்தார். தி்ண்டுக்கல்-மதுரை நான்கு வழிச்சாலையில், ஊத்துப்பட்டி பிரிவில் வந்தபோது ரோட்டை அவர் கடக்க முயன்றார். அப்போது பின்னால் வந்த மோட்டார்சைக்கிள் எதிர்பாராதவிதமாக மொபட் மீது மோதியது. இதில், படுகாயம் அடைந்த செல்வராஜ் சம்பவ இடத்திலேயே பரிதாபமாக இறந்தார். இதுகுறித்து அம்மையநாயக்கனூர் போலீஸ் சப்-இன்ஸ்பெக்டர் கருப்பையா வழக்குப்பதிவு விசாரணை நடத்தி வருகிறார்.