மெட்ரோ ரெயில் பணிக்காக திருமங்கலம் பகுதியில் போக்குவரத்து மாற்றம்

கோயம்பேடு நோக்கி செல்லக்கூடிய வாகனங்கள் திருமங்கலம் சர்வீஸ் சாலை, 15-வது மெயின் ரோடு சந்திப்பிலிருந்து 4-வது அவென்யூ வரை செல்ல தடை செய்யப்பட்டுள்ளது. கோயம்பேட்டிலிருந்து அண்ணாநகர் 2-வது அவென்யூவிற்கு செல்லும் வாகன ஓட்டிகள் வலது புறம் திரும்புவதற்கும், யூ டர்ன் செய்வதற்கும் தடை செய்யப்பட்டுள்ளது. அதற்கு பதிலாக 13-வது மெயின் ரோட்டை பயன்படுத்தி 15-வது மெயின் ரோட்டில் வலதுபுறம் திரும்பி அண்ணாநகரை அடையலாம்.

அதேபோல் அம்பத்தூரில் இருந்து கோயம்பேடு நோக்கி செல்லும் வாகன ஓட்டிகள் வலதுபுறம் திரும்ப தடை செய்யப்பட்டுள்ளது. அம்பத்தூரில் இருந்து கோயம்பேடு நோக்கி செல்லும் வாகனங்கள் நேராக 15-வது மெயின் ரோட்டில் திரும்பி 13-வது மெயின் ரோடு வழியாக 4-வது அவென்யூவில் வலது புறமாக சென்று பின்னர் இடது புறமாக கோயம்பேடு நோக்கிச் செல்ல வேண்டும். 15-வது பிரதான சாலை சந்திப்பில் இருந்து 4-வது அவென்யூ சந்திப்பு வரை ஒருவழி பாதையாக மாற்றப்படுகிறது.

இவ்வாறு அதில் கூறப்பட்டுள்ளது