தர்மபுரியில் மாணவர்கள், பொதுமக்களுக்கு நீச்சல் பயிற்சி

தர்மபுரி:

தர்மபுரி மாவட்ட விளையாட்டு மற்றும் இளைஞர் நலன் அலுவலர் சாந்தி வெளியிட்டுள்ள செய்திக்குறிப்பில் கூறப்பட்டுள்ளதாவது:-

தமிழ்நாடு விளையாட்டு மேம்பாட்டு ஆணையத்தின் தர்மபுரி பிரிவு சார்பில் பள்ளி, கல்லூரி மாணவ-மாணவிகள் மற்றும் பொதுமக்களுக்கு நீச்சல் பயிற்சி அளிக்கப்பட்டு வருகிறது. அதன் அடிப்படையில் முதல் கட்ட நீச்சல் பயிற்சி முகாம் நடக்கிறது. இந்த பயிற்சி முகாம் மே மாதம் 7-ந் தேதி வரை ராஜாஜி நீச்சல் குளத்தில் நடைபெறும். தினமும் காலை 7 மணி முதல் 8 மணி வரை, 8 மணி முதல் 9 மணி வரை மற்றும் மாலை 5.30 மணி முதல் 6.30 மணி வரை மாணவர்கள் மற்றும் ஆண்களுக்கு நீச்சல் பயிற்சி அளிக்கப்படும். காலை 9 மணி முதல் 10 மணி வரை மாணவிகள் மற்றும் பெண்களுக்கு நீச்சல் பயிற்சி வகுப்பு நடைபெறும். இதற்கான விண்ணப்பத்தை நீச்சல் குள அலுவலகத்தில் பெற்று கொள்ளலாம்.

இவ்வாறு அதில் கூறப்பட்டுள்ளது.