போலீசாரின் குழந்தைகளுக்கு பயிற்சி முகாம்

கோவை மாவட்ட போலீசாரின் குழந்தைகள் கோடை கால விடுமுறையை பயனுள்ள வகையில் கழிக்கும் வகையில் கோடை கால சிறப்பு முகாம் அமைக்கப்பட்டு உள்ளது.

இதை போலீஸ் சூப்பிரண்டு பத்ரிநாராயணன் தொடங்கி வைத்தார்.

முகாமில் 5 வயது முதல் 12 வயது வரை உள்ள குழந்தைகளுக்கு ஓவியங்கள் வரைதல், ஓவியங்களின் முக்கியத்துவம், உடற்பயிற்சி மற்றும் கைப்பந்து பற்றிய அறிமுக பயிற்சி ஆகியவை அளிக்கப்படுகிறது.

இந்த முகாம் வருகிற 18-ந் தேதி வரை நடக்கிறது.

போலீசாரின் குழந்தைகளுக்கு இத்தகைய ஒரு அரிய வாய்ப்பை ஏற்படுத்திக் கொடுத்தது போலீசார் மத்தியில் மகிழ்ச்சியை ஏற்படுத்தி உள்ளது.