பாலியல் வன்கொடுமை தடுப்பு சட்டம் குறித்து பயிற்சி

நெல்லை மாநகராட்சி மைய அலுவலக கூட்டரங்கில், மாநகராட்சியில் பணிபுரியும் பணியாளர்கள் அறிந்து கொள்ளும் வகையில் பாலியல் துன்புறுத்துதல் தடுப்பு சட்டம்-2013 குறித்து பயிற்சி வழங்கப்பட்டது. இதனை மாநகராட்சி மேயர் பி.எம்.சரவணன் தொடங்கி வைத்தார். அப்போது மாநகராட்சி ஆணையாளர் சிவகிருஷ்ணமூர்த்தி ஆணைப்படி, மகளிர் ஊழியர்களுக்கு எதிரான பாலியல் வன்கொடுமைகள் தொடர்பான முறையீடுகள் குறித்து ஆய்வு செய்து கமிஷனருக்கு அறிக்கை அளித்திடும் வகையில் 8 பேர் உறுப்பினர் கொண்ட குழு பற்றிய தகவல் பலகையினை மேயர் பி.எம்.சரவணன், துணை மேயர் கே.ஆர்.ராஜூ ஆகியோர் வெளியிட்டனர். தொடர்ந்து பாலியல் துன்புறுத்தல் தடுப்பு சட்டம் குறித்த விழிப்புணர்வு உறுதிமொழியினை மேயர் தலைமையில் பணியாளர்கள் எடுத்துக்கொண்டனர்.