போக்குவரத்துக்கு இடையூறான மரங்களை அகற்ற வேண்டும்

திருவெண்காடு:

திருவெண்காடு அருகே மங்கை மடம் -திருநகரி சாலை கடலோர கிராமங்களான திருமுல்லைவாசல், புதுப்பட்டினம், பழையாறு உள்ளிட்ட 50-க்கும் மேற்பட்ட கிராமங்களுக்கு செல்வதற்கான முக்கிய வழித்தடமாகும். இந்த சாலையில் நெப்பத்தூர் பகுதியில் இருபுறமும் சாலையை மறைத்து மரங்கள் அடர்ந்து வளர்ந்துள்ளன. இதேபோல் மங்கை மடம்-பெருந்தோட்டம் சாலையில் எம்பாவை நடுநிலைப்பள்ளி அருகே மரங்கள் அடர்ந்து வளர்ந்துள்ளன. போக்குவரத்துக்கு இடையூறாக உள்ள இந்த மரங்களால் அடிக்கடி விபத்துகள் ஏற்படுகிறது. எனவே சாலையில் போக்குவரத்துக்கு இடையூறாக உள்ள மரங்களை அகற்ற வேண்டும் என வாகன ஓட்டிகள் கோரிக்கை விடுத்துள்ளனர்.