நாமக்கல்லில்லாரிபட்டறை தொழிலாளி தற்கொலை

நாமக்கல் நகராட்சிக்கு உட்பட்ட என்.கொவசம்பட்டி ரோஜா நகரை சேர்ந்தவர் வெங்கடேசன் (வயது43). இவர் லாரி பட்டறையில் வெல்டிங் வேலை செய்து வந்தார். நேற்று முன்தினம் வேலைக்கு சென்று திரும்பிய வெங்கடேசன், தூக்க மாத்திரை சாப்பிட்டு விட்டேன் என வீட்டில் உள்ளவர்களிடம் கூறி உள்ளார்.

இதையடுத்து அவர்கள் வெங்கடேசனை மீட்டு நாமக்கல் அரசு மருத்துவக்கல்லூரி மருத்துவமனைக்கு அழைத்து வந்து உள்ளனர். ஆனால் வரும் வழியிலேயே வெங்கடேசன் பரிதாபமாக இறந்தார். இந்த தற்கொலை சம்பவம் குறித்து அவரது மனைவி பவித்திரா நாமக்கல் போலீசில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர். போலீசாரின் முதல்கட்ட விசாரணையில் வெங்கடேசன் கடன் பிரச்சினையால் தற்கொலை செய்து இருப்பது தெரியவந்து உள்ளது. இறந்து போன வெங்கடேசனுக்கு 8 வயதில் ஒரு மகனும், 5 வயதில் மகளும் உள்ளனர்.