அடையாளம் தெரியாத ஆண் பிணம்

குத்தாலம்:

மயிலாடுதுறை மாவட்டம் குத்தாலம் அருகே ஆலங்குடி ஊராட்சி பழவாற்றங்கரை வீரன் கோவில் அருகே அடையாளம் தெரியாத 45 வயது மதிக்கத்தக்க ஆண் பிணம் ஒன்று கிடந்துள்ளது. இதுகுறித்து அப்பகுதி மக்கள் போலீசாருக்கு தகவல் தெரிவித்தனர். தகவலின் பெயரில் சம்பவ இடத்திற்கு விரைந்து சென்ற குத்தாலம் போலீசார் உடலை கைப்பற்றி பிரேத பரிசோதனைக்காக மயிலாடுதுறை அரசு ஆஸ்பத்திரிக்கு அனுப்பி வைத்தனர். மேலும் வழக்குப்பதிவு செய்து இறந்து கிடந்தவர் யார்?, எந்த ஊரை சேர்ந்தவர்?, அவர் எப்படி இறந்தார்? என பல்வேறு கோணங்களில் விசாரணை நடத்தி வருகின்றனர். இறந்தவர் குறித்து விவரம் தெரிந்தவர் குத்தாலம் காவல் நிலையத்திற்கு உடனடியாக தகவல் தருமாறு குத்தாலம் போலீஸ் இன்ஸ்பெக்டர் கேட்டுக் கொண்டுள்ளார் என்பது குறிப்பிடத்தக்கது.