விருதுநகர் யூனியன் கவுன்சிலர் கைது

விருதுநகர் கிழக்கு ஒன்றிய அ.தி.மு.க. செயலாளர் தர்மலிங்கம் மற்றும் அவரது கார் டிரைவர் மகேஷ்கண்ணன் தாக்கப்பட்டது குறித்து மகேஷ் கண்ணன் சூலக்கரை போலீசில் புகார் அளித்தார். இதையடுத்து விருதுநகர் யூனியன் அ.தி.மு.க. கவுன்சிலர் சென்னல்குடி மாரியப்பன் (வயது 60), அவரது மகன்கள் உள்பட 10 பேர் மீது பல்வேறு பிரிவுகளின் கீழ் போலீசார் வழக்குப்பதிவு செய்தனர். இந்தநிலையில் நேற்று மாலை சூலக்கரை போலீசார் விருதுநகர் யூனியன் கவுன்சிலர் சென்னல்குடி மாரியப்பனை கைது செய்தனர். மற்றவர்களை தேடி வருகின்றனர்.