மொபட் மீது வாகனம் ேமாதல்; கோவில் பூசாரி பலி

காங்கயம்

காங்கயம் அருகே மொபட் மீது வாகனம் மோதிய விபத்தில் அம்மன் கோவில் பூசாரி பலியானார்.

இந்த விபத்து குறித்து போலீஸ் தரப்பில் கூறப்படுவதாவது:-

கோவில் பூசாரி

திருப்பூர் மாவட்டம் காங்கயத்தை அடுத்த பாப்பினியை சேர்ந்தவர் சரவணன் (வயது 34). இவரது மனைவி முத்துலட்சுமி (30). இவர்களுக்கு நிதர்ஷனா ( 8) மற்றும் காவியா (5) என 2 பெண் குழந்தைகள் உள்ளனர். சரவணன் பாப்பினியில் எழுந்தருளியுள்ள பெரியநாயகி அம்மன் கோவில் பூசாரியாக இருந்து வந்தார். இவர் நேற்று மதியம் 2.30 மணிக்கு மொபட்டில் பாப்பினியில் இருந்து காங்கயம் வந்தார்.

பின்னர் வேலையை முடித்து விட்டு காங்கயம்-கரூர் பிரதான சாலையில் பாப்பினி சென்று கொண்டிருந்தார்.

அங்குள்ள தனியார் எடை மேடை அருகே சென்றபோது அவருக்கு பின்னால் வந்த வாகனம் ஒன்று, சரவணன் மீது மோதிவிட்டு நிற்காமல் சென்று விட்டது.இந்த விபத்தில் சரவணன் பலத்த காயமடைந்தார்.

பலி

உடனே அருகில் இருந்தவர்கள் அவரை மீட்டு ஆம்புலன்சில் காங்கயம் அரசு தலைமை மருத்துவமனைக்கு கொண்டு சென்றனர். அங்கு அவரை சரவணனை பரிசோதித்த மருத்துவர் வரும் வழியிலேயே அவர் இறந்து விட்டதாக தெரிவித்தார். இந்த விபத்து குறித்து காங்கயம் போலீசார் வழக்கு பதிவு செய்து விசாரணை நடத்தி வருகின்றனர். மொபட் மீது வாகனம் மோதிய விபத்தில் கோவில் பூசாரி பலியான சம்பவம் சோகத்தை ஏற்படுத்திஉள்ளது.

---------------------