வள்ளிமலை கோவில் உண்டியல் வருமானம் ரூ.4½ லட்சம்

காட்பாடி தாலுகா வள்ளிமலை சுப்ரமணியசாமி கோவிலில் ஆடி கிருத்திகை விழா மற்றும் தெப்பத் திருவிழா நான்கு நாட்கள் நடைபெற்றது. கோவில் வளாகம் மற்றும் மலைக்கோவில்களில் 11 தற்காலிக உண்டியல்கள் வைக்கப்பட்டிருந்தது. அதில் பக்தர்கள் செலுத்திய காணிக்கை பணம் எண்ணும் பணி நேற்று கோவில் வளாகத்தில், ரத்னகிரி கோவில் செயல் அலுவலர் சங்கர், குடியாத்தம் ஆய்வாளர் பாரி ஆகியோர் முன்னிலையில் உண்டியல் திறக்கப்பட்டு பணம் எண்ணப்பட்டது. செயல் அலுவலர் திருநாவுக்கரசு, கோவில் நிர்வாகிகள் மற்றும் பொதுமக்கள் பலர் கலந்து கொண்டு உண்டியல்காணிக்கை எண்ணும் பணியில் ஈடுபட்டனர்.

இதில் ரூ.4 லட்சத்து 54 ஆயிரத்து 746 மற்றும் 2 கிராம் தங்கம் 110 கிராம் வெள்ளி ஆகியவற்றை பக்தர்கள் காணிக்கையாக செலுத்தி இருந்தனர்.