வேன் கவிழ்ந்து விபத்து; பெண் பலி

விக்கிரவாண்டி.

சென்னை அம்பத்தூர் பாடியை சேர்ந்தவர் கோவிந்தராஜ். இவர் தனது உறவினர்களுடன் நாகப்பட்டினம் மாவட்டம் மகழி கிராமத்தில் உள்ள தனது குலதெய்வ கோவிலுக்கு சென்றார். வேனை முத்துசாமி என்பவர் ஓட்டினார். விக்கிரவாண்டி வடக்கு புறவழிச்சாலையில் சென்றபோது வேன் எதிர்பாராதவிதமாக சாலையில் கவிழ்ந்தது. இதில் வேனில் இருந்த கோவிந்தராஜின் மனைவி சுந்தரி (வயது 48) பலத்த காயமடைந்து சம்பவ இடத்திலேயே பரிதாபமாக இறந்தார். மேலும் 18 பேர் காயம் அடைந்தனர். இதையடுத்து காயமடைந்த அனைவரும் சிகிச்சைக்காக முண்டியம்பாக்கம் அரசு மருத்துவக்கல்லூரி மருத்துவமனையில் அனுமதிக்கப்பட்டனர். இந்த விபத்து குறித்து விக்கிரவாண்டி போலீசார் விசாரணை நடத்தி வருகின்றனர்.