முதல்-அமைச்சர் மு.க.ஸ்டாலின் வருகை

கொரடாச்சேரி:

திருவாரூரில் தி.மு.க.செயல்வீரர் கூட்டம் நடைபெற்றது. கூட்டத்திற்கு நகர செயலாளர் பிரகாஷ் தலைமை தாங்கினார். கூட்டத்தில் மாவட்ட செயலாளர் பூண்டி.கலைவாணன் எம்.எல்.ஏ. கலந்து கொண்டு பேசினார். அப்போது அவர் கூறுகையில், திருவாரூர் மாவட்டத்தில் பல்வேறு நிகழ்ச்சிகளில் கலந்து கொள்ள முதல்-அமைச்சர் மு.க.ஸ்டாலின் நாளை(செவ்வாய்க்கிழமை) வருகை தருகிறார். அவருக்கு மாவட்ட எல்லையான கோவில்வெண்ணியில் மாவட்டம் சார்பில் சிறப்பான வரவேற்பு அளிக்க வேண்டும்.

மார்ச் 1-ந் தேதி இளைஞர் எழுச்சி நாளாக அனுசரிக்கப்பட்டு வரும் முதல்-அமைச்சரின் பிறந்தநாள் விழாவை முன்னிட்டு ஏழை எளிய மக்களுக்கு அன்னதானம் உள்ளிட்ட நலத்திட்ட உதவிகள் மற்றும் தி.மு.க. கொடி ஏற்றி இனிப்புகள் வழங்க வேண்டும் என்றார். கூட்டத்தில் முன்னாள் எம்.எல்.ஏ. நாகை அசோகன் உள்பட நிர்வாகிகள் பலர் கலந்து கொண்டனர்.