பஸ் மோதி பெண் பலி

திருமயம் அருகே உள்ள கே.செட்டியாப்பட்டியை சேர்ந்தவர் கருப்பையா. இவருடைய மனைவி செல்வி (வயது 30). இவர்கள் நேற்று மேலூரில் உள்ள உறவினர் வீட்டிற்கு மோட்டார் சைக்கிளில் மதுரை ரோட்டில் சென்றுள்ளனர். அப்போது தஞ்சையில் இருந்து மதுரை நோக்கி சென்ற அரசு பஸ் எதிர்பாராதவிதமாக மோட்டார் சைக்கிள் மீது மோதியது. இதில் படுகாயமடைந்த செல்வி சம்பவ இடத்திலேயே பரிதாபமாக இறந்தார். இந்த விபத்து குறித்து தகவல் அறிந்த திருமயம் போலீசார் சம்பவ இடத்துக்கு விரைந்து சென்று செல்வியின் உடலை கைப்பற்றி திருமயம் அரசு மருத்துவமனைக்கு அனுப்பி வைத்தனர். மேலும் இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.